|
|
| Hótel Varðborg rústað |  Nóttin var björt og blíð og golan lék um vanga næturhrafna þeirra er lögðu leið sína um miðbæ Akureyrar í maí 1986 fyrir réttum 20 árum.
Hótel Varðborg virðulegt klassahótel sómdi sér vel rétt við skemmtistaðinn Sjallann þar sem bæjarbúar og kraftlyftingamenn hvaðan eina að landinu lögðu leið sína eftir vel heppnað Íslandsmót þar sem þandir vöðvar höfðu fyrr um daginn barist hatrammlega við stálguðina og sett fjöldan allan af metum.
Skyndilega voru hin venjulegu næturhljóð rofin með brothljóði miklu. Rúða úr einu herbergi hótelsins sundraðist út í myrkrið. Tryllingslegt öskur fylgdi á eftir. Molinn inn í herberginu sá ásjónu sinni bregða fyrir í stórum speglinum. Hnefinn fór ósjálfrátt á loft og spegillinn splundraðist í þúsund mola....Gestir hótelsins byrjuðu einn eftir annan að vakna upp með andfælum..Rústunin var hafin..
Rotarinn Baldur Borgþórsson hafði fyrr um daginn tekið 300 létt í beygjunni en fengið það ógilt og kærastan verið með stæla. Dagurinn var því ekki sem bestur þrátt fyrir gullmedalíu og nóttin var óvinur...Kærastan var farin á fund gleðinnar..hvar var hún?
Það tók því ekki að opna herbergishurðina...eitt tilþrifamikið spark braut hana í tvennt og haldið var fram á ganginn....Var kærastan að flengjast á í herberginu á móti?....Rotarinn þandi latsana og stökk til...Hurðin var á augabragði brotin í mél eins og eftir hryðjuverka árás. Konsertmeistari Íslands Frú Guðný Guðmundsdóttir og flengherra hennar hrukku upp í rúminu eins og skíthræddar mýs..hurðarbrotin þeyttust á þau og augun stóðu á stilkum.....Rotarinn sá að kærastan var þarna ekki...angurværir tónar næturinnar voru horfnir konsertmeistaranum.
Hótelið lék á reiðiskjálfi....Hatrammur kappinn stökk niður á næstu hæð..einhversstaðar hlaut kærastan að vera!
Aha! Þarna voru herbergisdyr opnar!...hurðin slapp ósködduð þegar Rotarinn þeyttist inn í herbergið...gesturinn miðaldra ríkisbubbi akfeitur og ósjálfbjarga rétt náði að forða sér og skríða undir rúmið þar sem hann fannst í losti síðar...Engin dama þarna. Best að kíkja út á svalir. Glerhurð? Skiptir ekki máli. Rotarinn hreinlega æddi í gegnum glerið í yfirgengilegum berserksgangi á þeirri stundu þegar allir gestir hótelsins voru vaknaðir og lafhræddur næturvörður sem hafði haft vit á að láta ekki sjá sig hringdi á lögguna.
Glerbrotin hrundu niður á strætið þegar hinn reiði moli stökk eins og ekkert væri af svölunum niður á götuna. Alveg ómeiddur þótt hann hafi brotið spegil með berum höndum og ætt í gegnum glerhurð. Rotarinn hristi hausinn eins og mannýgur tarfur. Þar sem hann hafði komið niður var rúðan að matsalnum. Þetta var helvítis bras sem hann hafði fengið í kvöldmat! Stálnefinn hófst á loft og örlög rúðunnar voru ráðin. Glerbrotahljóðið glumdi um götuna og mannleg vitni hurfu strax á braut. Lífsvilji manna er alltaf sterkur.
Áfram var haldið.... Þarna var Búnaðarbankinn. Framsóknarmenn hafa lengi níðst á þjóðinni og okurvextir sliga alþýðuna. Rotarinn reif upp úr gangstéttinni 30kg hellu sem var eins og fis í höndum hans....hellan flaug í gegnum risastóra og þykka rúðuna eins og ekkert væri og eina 15 metra inn í bankann...var þetta mannlegt afl?...
.Haldið var lengra niður í miðbæ en þá fór vígamóðurinn að renna af kappanum og þegar allt lögguherlið bæjarins kom var næturhetjan hinn spakasti.
Á meðan Rotarinn svaf úr sér í steininum dreymandi óvinveittar hurðar og rúður, hélt kærastan áfram að dansa í dúr og moll við Magister og aðra mola í Sjallanum...langt undir morgun...
| | Hugleiing: KE | Heimild Sir Magister Cat | Dags. 5---0-2006 |
|
|
