|
|
| Jón Páll og rjómaísinn | 
Árið 1987 var haldið aflraunamót sem bar heitið:
STERKASTI MAÐUR ALLRA TÍMA.
Keppnin var haldin í Skotlandi og var aðeins þremur sterkustu mönnum heims frá upphafi aflraunamóta boðin þátttaka.Voru það: JÓN PÁLL SIGMARSSON, GEOFF CAPES Englandi og BILL nokkur KAZMAIER Bandaríkjunum. Átti að skera úr fyrir fullt og allt hver þeirra væri í raun og veru sterkastur.
Jón Páll velti fyrir sér hversu hart og seigt væri í þessum molum og hvort þeir þyldu álagið sem þetta hrikalega mót hefði upp á að bjóða en sjálfur taldi hann sig þola óheyrilegt álag.
Eftir fyrstu þrjár greinarnar, sem okkar maður gjörsamlega rúllaði upp hittust kapparnir yfir kvöldverði. Capes og Kazmaier voru mættir til borðs og úðuðu í sig risastórum nautasteikum. Settist þá Jón Páll hjá þeim og pantaði sér stóra skál mað rjómaís og jarðaberjum, enda kappinn ákveðinn að þyngja sig vel fyrir komandi átök. Þegar hann hafði lokið við áttundu skálina sagði Kazmaier:
"þessir Íslendingar eru kannski sterkir en þeir hafa ekki hundsvit á næringarfræði!"
Daginn eftir hélt Jón Páll áfram á sigurbraut með því að vinna allar greinarnar með miklum yfirburðum. Þegar Jón Páll mætti í kvöldverð þann sama dag sátu þeir félagar Capes og Kaz með fullar skálar af rjómaís og tróðu í sig. Eftir matinn tóku kapparnir spjall saman og fór Kazmaier að segja frá einhverjum milljónamæring í Ameríku og hvað hann ætti af peningum.
Spurði þá Jón Páll: "Hvað tekur þessi maður í réttstöðulyftu?"
Litu þeir félagar þá forviða á Jón Pál þegar hann bætti við að það væri ekki til neins að lifa ef menn ættu engan árangur í réttstöðu!
Eftir að Jón Páll hafði unnið sjöundu keppnisgreinina sem var drumbalyfta gekk Kazmaier berserksgang inn í upptökusal í kastalanum. Þegar menn hættu sér inn í herbergið var Kaz búinn að rífa niður og brjóta alla ljóskastarana sem þar voru!
Mótinu lauk síðan þannig að Jón Páll sigraði í 8 greinum af 10 og setti 6 heimsmet. Í réttstöðunni eða öxullyftunni {efra deddi} var Kazmaier alveg orðinn brjálaður eftir ógildar lyftur og kallaði dómarann öllum illum nöfnum. Jóni Páli var dæmdur sigurinn en til taka af allan vafa bað hann um meiri þyngd og þegar hann hafði gjörsamlega splúndrað heimsmetinu varð til ógleymanleg setning sem hann öskraði um leið og hann hafði lokið síðustu lyftunni sem var 530kg: "IT´S NOT WORTH TO BE A LIFE IF YOU CAN´T DO THE DEADLIFT!"
| | Hugleiing: ke | Heimild Fyrri bókin um Jón Pál eftir Jón Óskar Sólnes | Dags. 3---0-2006 |
|
|
