|
|
| Dýrin í skóginum |  Rafmagnið í Steve Gym er ekki alltaf í lagi, kannski bilun eða vondu mennirnir hjá Rafveitunni búnir að loka fyrir það um tíma. Árið 2002 eða 2003 var eitt sinn rafmagnslaust í baðherberginu. Hjörtur Geirsson framkvæmdastjóri fór samt í sturtu en hafði dyrnar opnar í hálfa gátt svo einhver birta bærist inn. Hjörtur er ekki sá passasamasti í sturtunni og fljótlega flæddi vatn fram í stöðina ásamt tilheyrandi gufu... Ölli vinur tók sig þá til og lokaði dyrunum án þess að segja orð. Ekki leið á löngu þar tll opnað var aftur og allt var við það sama. Ölli stakk þá hausnum inn um dyrnar og sagði ákveðinni röddu: " Dragðu tjaldið fyrir Hjörtur! - Það flæðir út um allt hérna!! " Síðan skellti hann aftur hurðinni og skildi Hjörtinn varnarlausan eftir í myrkrinu.
Nokkrum sekúndum síðar opnaðust dyrnar snarlega og heyrðist öskrað geðveikislega fram: " Látið hurðina vera helvítin ykkar, það er ljóslaust hérna!! "
Siggi Stefáns kanslari vogaði sér þá í gættina og sagði í friðartóni: " Hvernig er þetta, eru ekki öll dýrin í skóginum vinir? " Síðan lagðist Kanslarinn á bekkinn og fór að pumpa 120 með þanda bysepa.
Áður en hann náði að klára fimmta repsið birtist hundblautur hausinn á Hirti í dyrunum með augun glóandi af reiði og öskrar yfirgengilega: " Halt þú bara kjafti - það er málfrelsi hérna þú þarna löggu-svínsbróðir!!! "
Kanslarinn hrökk við og kláraði æfinguna með hraði og kvaddi liðið. Síðan þetta var hefur hann ekki komið aftur til æfinga í raunveruleikann... sem raunar slær öllu við... | | Hugleiing: KE | Heimild Sir Magister Cat | Dags. 7---0-2005 |
|
|
