|
|
| ÖLDUNGANÍÐINGURINN |  Fyrir skömmu síðan á þessu ári 2004, gjörðist atburður sá er nú mun frá greina.
Þeir félagar til stangar og lóða, Halldór Eyþórsson prjónn og Arnar Már loggur voru á æfingu í Gym 80. Prjónninn var með frísklegra móti enda nýbúinn að taka beygju í góðri dýpt, en almennt séð er prjónninn í mögnuðu formi miðað við að vera kominn í öldungaflokk.
Arnar loggur sem er 150 kg molaskjóða um þessar mundir var þarna hressilegur mjög eins og hann er að öllu jöfnu. Menn sáu logginn svo ganga með breiðu brosi að prjóninum og taka hann óvænt einhverju skemmtilegu fantataki, þannig að hinn öldungsvæni prjónn gat sig hvergi hrært. Loggurinn fór síðan að kitla prjóninn og kreista á honum geirvörturnar og fleira..Prjónsgreyið gat enga björg sér veitt en spriklaði og emjaði eins og hann gat. Það varð til þess að Loggurinn færðist í aukana ef eitthvað var. Þannig gekk þetta fyrir sig um stund þangað til hinn bjargarlausi prjónn hrópaði hástöfum: "Láttu mig vera-slepptu mér-þú þarna öldunganíðingur!"
Við þetta sprakk loggurinn úr hlátri svo og þeir aðrir er viðstaddir voru. Þar með sleppti svo loggurinn tökunum og prjónninn slapp úr prísundinni frelsinu feginn. Hann kunni hinsvegar lítið að meta fyndnina í þessu þrátt fyrir að hafa verið talinn mikill húmoristi í fyrra lífi...
| | Hugleiing: K-E | Heimild Harði diskur magisters | Dags. 8---0-2004 |
|
|
