|
|
| "ÞÚ ERT EINS OG HRÍSLA Í HÖNDUNUM Á GÍSLA!" |  Sennilega var það kringum árin 1985-86 sem Jón Páll fór með sjónvarpsmönnum að Laufási og deddaði hinn fræga stein,Laufáshelluna. Hvort það var í þessari sömu ferð eða annarri um svipað leyti skal ósagt látið en allavega fór Jón Páll í fylgd sjónvarpsmanna og heimsótti hinn landsfræga sérvitring og einsetubónda, Gísla á Uppsölum. Gísli þessi var nokkurskonar eftirlegu kind fyrri alda þar sem hann hokraði í eldgömlum timburbæ og hafði engin nútimaþægindi eins og rafmagn, vatn og hita osfrv. Hann sótti vatn í næsta læk og bar þunga heybagga á bakinu langar leiðir. Engu að síður var Gísli ánægður með hlutskipti sitt í lífinu og fagnaði komumönnum innilega. Sjónvarpsmenn kynntu fyrir honum sterkasta mann heims, Jón Pál Sigmarsson. Karlinn var nú ekkert uppnuminn út af því en rétti Jóni sterklega veðurbarða krumlu komna vel yfir áttrætt...Þeir tókust þéttingsfast í hendur og þegar karlinn var orðinn hálfblár í framan yfir handtakinu sagði hann óvænt: " ÞÚ ERT EINS OG HRÍSLA Í HÖNDUNUM Á GÍSLA!"
Jón sleppti takinu og skemmtu menn sér vel yfir þessari setningu einsetubóndans.
Síðar þegar Jón var spurður um hvernig þetta hefði verið, sagði hann að handtak Gísla hefði verið GLETTILEGT. Þetta lýsingarorð notaði Jón yfirleitt einungis yfir það sem honum fannst mjög gott og jákvætt.
Annars má segja um Jón Pál sjálfan í víðum skilningi hvað varðar krafta og aflraunir: - BETRI ÞÓTTU HANDTÖK HANS HELDUR EN NOKKURS ANNARS MANNS. | | Hugleiing: K-E | Heimild | Dags. 5---0-2004 |
|
|
